Women Jobs: అఫ్గానిస్తాన్‌లో తాలిబన్ల ప్రభుత్వం మహిళలపై మరింత క్రూరమైన ఆంక్షలను విధించింది. ఆ దేశంలో మహిళలకు ఉద్యోగ అవకాశాలను కల్పించే ప్రభుత్వేతర జాతీయ, అంతర్జాతీయ సంస్థలను మూసివేస్తామని తాలిబన్ అధికార ప్రతినిధి జబీహుల్లా ముజాహిద్ ప్రకటించారు.
Women Jobs: తన ‘ఎక్స్’ వేదికలో చేసిన ప్రకటనలో ఆయన తెలిపారు, “ఎమిరాటీయేతర, జాతీయ, అంతర్జాతీయ ఎన్‌జీవోలకు అనుమతులు ఇచ్చే ఆర్థిక మంత్రిత్వ శాఖ, ఆయా సంస్థల పనితీరును పర్యవేక్షిస్తోంది. ఈ క్రమంలో మహిళలకు ఉద్యోగాలు ఇవ్వకూడదని మరోసారి సర్క్యూలర్ జారీ చేస్తున్నాం. ఈ నిబంధనలను ఉల్లంఘించే సంస్థలను తక్షణమే మూసివేస్తాం. వాటి అనుమతులను కూడా రద్దు చేస్తాం” అని స్పష్టం చేశారు.
ఇది కూడా చదవండి: Directors: ఇండియాలో రిచెస్ట్ డైరెక్టర్స్!
అదేవిధంగా, మహిళల జీవనశైలిపై మరిన్ని ఆంక్షలు విధించారు. మహిళలు వంటగదిలో కనిపించరాదని, బావుల దగ్గర నీళ్లు మోసే దృశ్యాలు అసహ్యం కలిగిస్తాయని పేర్కొన్నారు. అంతేకాకుండా, నివాస భవనాలను నిర్మించేటప్పుడు వంటగదులకు కిటికీలు అమర్చకూడదని ప్రజలను హెచ్చరించారు.ఈ నిర్ణయాలు ప్రపంచవ్యాప్తంగా తీవ్ర విమర్శలు ఎదుర్కొంటుండగా, అఫ్గాన్ మహిళల హక్కులు మరింత దెబ్బతింటున్నాయి.