Elon musk: స్పేస్ఎక్స్, టెస్లా సీఈవో, ప్రపంచ కుబేరుడు ఎలాన్ మస్క్ తాజాగా తన పేరు మార్చుకున్నారు. తన స్వంత సోషల్ మీడియా ప్లాట్ఫామ్ అయిన ఎక్స్ (మునుపటి ట్విట్టర్)లో తన పేరును మస్క్ నుంచి **”కేకియస్ మాక్సిమస్”**గా మార్చుకున్నారు. ఈ కొత్త పేరును చూసిన నెటిజన్లు దాని అర్థం తెలుసుకోవడానికి ఉత్సాహంగా వెతుకులాట మొదలుపెట్టారు.
అదేవిధంగా, ఎలాన్ మస్క్ తన ప్రొఫైల్ పిక్ను కూడా మార్చి, “పెపే ది ఫ్రాగ్” మీమ్ను పెట్టుకున్నారు. కేకియస్ అనే పేరు క్రిప్టో కరెన్సీ టోకెన్కు సంబంధించినది. ఇది పలు బ్లాక్చెయిన్ ప్లాట్ఫారమ్లలో అందుబాటులో ఉంది. ఈ టోకెన్ ఇటీవల క్రిప్టో మార్కెట్లో పెట్టుబడిదారులు మరియు ఔత్సాహికుల దృష్టిని ఆకర్షించింది. డిసెంబర్ 27 నాటికి కేకియస్ టోకెన్ ధర 0.005667 డాలర్లుగా ఉండగా, 24 గంటల్లోనే 497.56% పెరుగుదల నమోదు చేసింది.
ఇదిలా ఉంటే, ఎలాన్ మస్క్ ఇటీవల మరో అరుదైన రికార్డు సృష్టించారు. ఆయన వ్యక్తిగత సంపద 400 బిలియన్ డాలర్ల మార్కును దాటింది. ఇప్పటివరకు ఈ స్థాయిని ఎవరూ చేరుకోలేకపోయారు. దీంతో ఈ రికార్డును సొంతం చేసుకున్న తొలి వ్యక్తిగా ఎలాన్ మస్క్ నిలిచారు. బ్లూంబర్గ్ బిలియనీర్స్ ఇండెక్స్ ప్రకారం, మస్క్ సంపద విలువ ప్రస్తుతం 447 బిలియన్ డాలర్లకు చేరింది.