Delhi Assembly Elections: న్యూఢిల్లీ అసెంబ్లీ ఎన్నికల్లో ఒంటరిగానే పోటీ చేస్తామని కాంగ్రెస్ ప్రకటించింది. న్యూఢిల్లీలో జరిగిన లోక్‌సభ ఎన్నికల్లో ఆమ్ ఆద్మీ పార్టీ, కాంగ్రెస్‌లు కలిసి ఇండియా కూటమిగా పోటీ చేశాయి. ఎన్నికల ఫలితాల్లో కూటమి ఘోర పరాజయాన్ని చవిచూసింది. ఈ వైఫల్యానికి రెండు పార్టీలు ఒకదానిపై ఒకటి నిందలు వేసుకున్నాయి.
పొత్తుల వివాదం కారణంగా వచ్చే ఏడాది జరగనున్న ఢిల్లీ అసెంబ్లీ ఎన్నికల్లో ఒంటరిగానే పోటీ చేస్తామని ఆమ్ ఆద్మీ పార్టీ ప్రకటించింది. ఈ నేపథ్యంలో తాము కూడా ఎన్నికల్లో ఒంటరిగానే పోటీ చేస్తామని కాంగ్రెస్ ప్రకటించింది. ఆమ్ ఆద్మీ పార్టీతో పొత్తు లేదని తేల్చి చెప్పింది.
ఇది కూడా చదవండి: Burra Venkatesham: టీజీపీఎస్సీ చైర్మ‌న్‌గా బుర్రా వెంక‌టేశం
Delhi Assembly Elections: న్యూఢిల్లీ కాంగ్రెస్ అధ్యక్షుడు దేవేందర్‌ యాదవ్‌ మాట్లాడుతూ.. మొత్తం 70 నియోజకవర్గాల్లో కాంగ్రెస్ ఒంటరిగానే పోటీ చేస్తుంది. ఏ పార్టీతో పొత్తు లేదు. ఎన్నికల ఫలితాల తర్వాత ముఖ్యమంత్రి ఎవరనేది పార్టీ నిర్ణయిస్తుందని చెప్పారు.
న్యూఢిల్లీ అసెంబ్లీ ప్రస్తుత పదవీకాలం ఫిబ్రవరి 15, 2025తో ముగుస్తుంది. ఆలోగానే ఎన్నికలు జరగనుండటంతో బీజేపీ, కాంగ్రెస్ సహా పలు పార్టీలు ఎన్నికలకు సిద్ధమవుతున్నాయి. గతంలో బీజేపీ 43 ఎన్నికల వర్కింగ్‌ కమిటీలను ప్రకటించింది. ఆమ్ ఆద్మీ పార్టీ 11 మంది అభ్యర్థుల జాబితాను విడుదల చేసింది. పొత్తుకు ఎవరూ సిద్ధపడని వాతావరణంలో ఒంటరిగానే పోటీ చేస్తామని కాంగ్రెస్ ప్రకటించింది.
One Reply to “Delhi Assembly Elections: ఢిల్లీ అసెంబ్లీ ఎన్నికల్లో కాంగ్రెస్ ఒంటరి పోటీ”